Newsflashes | Page-11

ကွန်ပျူတာတွင် လူတစ်ဦး ၏ ရုပ်သွင်အတု ဖန်းတီးရန်လွယ်

ဗီ ယက်နမ် ကွန်ပျူတာ အဖွဲ့တစ်ဖွဲ့က လူတစ်ဦး ချင်းစီ သည် ကိုယ်ပိုင် ရုပ်သွင် များ ကွဲပြား တတ်ကြ သော်လည်း ကွန်ပျူတာ Screen တစ်ခု ပေါ်တွင် ကွာခြားမှု သိပ်မရှိ ကြောင်း ဖော်ထုတ် နိုင်ခဲ့ သည်။ BKIS မှ ပြောကြား ခဲ့ရာတွင် ကွန်ပျူတာ ပေါ်မှတဆင့် လူတစ်ဦး ၏ ရုပ်သွင်ကို အတုပြုလုပ်ခြင်းသည် အလွန်ခက်ခဲသော အရာ မဟုတ် ဟု ဖော်ပြ ပါရှိ သည်။

G oogle ၏ Orkut ကို အသုံးပြုပြီး လူပုဂ္ဂို တစ်ဦး ဦးမှ Trojan Virus များ ဖြန့်ဝေ ပေးနေကြောင်း သိရှိ ရသည်။ ၎င်း Trojan သည် Google မှ ၀န်ဆောင်မှု ပေးထားသော Social Networking ၀က်ဘ်ဆိုက်မှ တရားဝင် ပေးပို့လိုက်သည့် စာများ အသွင်ဖြင့် E Mail များအတွင်း ၀င်ရောက် လာ လေ့ရှိသည်။

G oogle က ၎င်း၏ Web Browser ဖြစ်သော Chrome နှင့်ပတ်သတ်သည့် အနာဂါတ် ရည်မှန်းမှုများကို ထုတ်ဖော် ပြောဆိုလိုက်သည်။ Google ၏ အဆိုအရ ကုမ္ပဏီသည် Chrome အပေါ်တွင် အာရုံစိုက်ထားပြီး လိုအပ်ချက်များကို အကောင်းဆုံး ဆက်လက် ဖြည့်ဆည်း သွားမည်ဟု သိရှိရသည်။

Facebook ဝန်ဆောင်မှုအသစ် ဖြည့်စွက်

ဇူ လိုင်လအတွင်းက Facebook သည် ၎င်း၏ အားပေးသူများအတွက် ပိုမိုပြည့်စုံသော ၀န်ဆောင်မှုတစ်ခု ဖြည့်စွက်ပေးရန် စတင် အကောင်အထည် ဖော်ခဲ့သည်။ ထိုအစီအစဉ်မှာ Facebook အသုံးပြုသူများ အချင်းချင်း မိတ်ဖွဲ့ခြင်း၊ Private ဖြစ်မှုအတွက် အထိန်းအကွပ် ဖြစ်စေခြင်းနှင့် Account များ မျှဝေခြင်းတို့အား Third party ၀က်ဘ်ဆိုက်၊ Desktop Application တစ်ခု (သို့မဟုတ်) Drive တစ်ခုတွင် ပြုလုပ်ခွင့်ပေးနိုင်ရေးဖြစ်သည်။

Apple ကုမ္ပဏီ တရားစွဲခံရ

A ppleကုမ္ပဏီအား လော့စ်အိန်ဂျလိစ်မှ Developerတစ်ဦးက မူပိုင်ခွင့် ချိုးဖောက်မှုဖြင့် တရားစွဲဆိုထားကြောင်းသိရှိရသည်။ Appleမှ ထုတ်လုပ်လိုက်သော နာမည်ကျော် iPhone တွင် အသုံးပြုထားသည့် Web ချိတ်ဆက်မှု နည်းပညာများ မှာ EMG ကုမ္ပဏီမှ ပိုင်ဆိုင်ကြောင်း Developer တစ်ဦးဖြစ်သော အီလွိုက်ဂေါ့တ်ဖတ်ခ်ျ က စွပ်စွဲခဲ့သည်။ ၎င်းသည် မာလိုလောင်းစတရိတ်၊ ဂရန့်တ်ဂေါ့တ်ဖတ်ခ်ျ တို့နှင့်အတူ အဆိုပါ နည်းပညာ ကုမ္ပဏီကို ပူးတွဲ ပိုင်ဆိုင်သူ ဖြစ်သည်။

F acebookသည် Spammer တစ်ဦးထံမှ လျော်ကြေးငွေ ဒေါ်လာ(၈၇၃) သန်း ရရှိနိုင်မည်ဖြစ်သည်။ ကနေဒါနိုင်ငံ မွန်ထရယ်မြို့တွင် နေထိုင်သော ဂွာဗျူရက်စ်ဆိုသူသည် နာမည်ကျော် Social Networking ၀က်ဘ်ဆိုက်အား အသုံးချပြီး လိင်ပိုင်းဆိုင်ရာ Spam mail သုံးသန်းကျော်အား ဖြန့်ဝေ ပေးပို့ခဲ့သည်။

အမေရိကန် ကာကွယ်ရေးဝန်ကြီးဌာနက ပန်တဂွန်စစ်ဌာနချုပ်ရှိ အချို့သော ကွန်ပျူတာအချို့မှာ Virus များ၏ တိုက်ခိုက်မှုကို ခံခဲ့ရကြောင်းတရားဝင်ကြေငြာခဲ့သည်။ ထိုအနေအထားသည် တစ်ကမ္ဘာလုံးတွင် ကွန်ပျူတာ Virus များ၏ ခြိမ်းခြောက် နေမှုကို ထင်ဟပ်စေကြောင်း ပန်တဂွန် ကဆိုသည်။ Global Virus ဟု အမည်ပေးထားသော Virusတစ်မျိုးသည် ပန်တဂွန်၏ အင်တာနက် လုံခြုံရေးစနစ်ကို ချိုးဖောက်ကာ စစ်ရေးအရ အရေးကြီးသော ကွန်ပျူတာများကို ထိခိုက် စေခဲ့ကြောင်း သိရှိ ရသည်။

Google Chrome Browser အညွှန်း

စက် တင်ဘာလ (၂) ရက်နေ့က Google သည် ၎င်း၏ Web Browser သစ် Chrome ကို ထုတ်ဝေခဲ့သည်။ မူလက Beta Version အဖြစ်သာ ထုတ်ဝေခဲ့ပြီး Microsoft ထုတ် Windows များနှင့် ကိုက်ညီအောင် ပြုလုပ် ထားသော်လည်း နောက်ပိုင်းတွင်မူ Mac နှင့် Linux ကွန်ပျုတာများ တွင်ပါအသုံးပြုနိုင်အောင် ဖန်တီးပေးခဲ့သည်။ Webkit ကို အခြေခံထားသော အဆိုပါ Google Chromeသည် Free Web Browserလေးတစ်ခု ဖြစ်သလို တဖြည်းဖြည်း လူသုံးများပြီး တွင်ကျယ်လာနေပြီဖြစ်သည်။

Microsoftက Vista Capable အမှုအတွက် တရား ရင်ဆိုင် နေရခြင်းမှ တရားသေ လွတ်ကင်းခွင့်ပြုရန် တရားသူကြီးများ ထံတောင်းဆိုလိုက်သည်။ Microsoft မှ ရောင်းချသော အချို့Vista OS များသည် စွမ်းဆောင်ရည် အပြည့်အ၀ အသုံးချနိုင်ခြင်းမရှိဟူသော စွပ်စွဲချက်ဖြင့် ၀ယ်ယူသုံးစွဲသူ အချို့တို့က Microsoftအား တရားစွဲဆို ထားကြခြင်း ဖြစ်သည်။ တရားလိုများဘက်မှ Vista ၏ ချွတ်ယွင်းချက်များအား အပြည့်အ၀ သက်သေ ပြနိုင်ကြောင်း ထုတ်ဖော်ပြောဆိုထားသည်။ သတ်မှတ်ထားသော လိုင်စင်ကြေး အပြည့်အ၀ ပေးဆောင်ထားပြီး Full Version သုံးစွဲခွင့် မရရှိခြင်းမှာ လိမ်လည်မှုဖြစ်ကြောင်း အသုံးပြုသူများဘက်မှ စွပ်စွဲ ပြောကြား ထားသည်။

Microsoft က ၎င်းတို့၏ Web Browser Version အသစ် Internet Explorer 8 အား (၂၀၀၉) ခုနှစ်အတွင်း စတင် ဖြန့်ဝေ သွားမည်ဟုအတည်ပြုခဲ့သည်။ IE8 အား ယခုနှစ်အတွင်း လုံးဝထုတ်ဝေမည် မဟုတ်တော့ကြောင်း Microsoft က အတည်ပြုလိုက်ပြီးနောက် IE8 စီမံကိန်း ဒါရိုက်တာ ဒိန်းဟတ်ချာမိုဗစ်ခ်ျက IE8 အား Beta Version အဖြစ် စမ်းသပ်ထားသည့် ကာလ ကိုလည်း အဆုံး သတ်တော့မည် ဟု ပြောဆိုခဲ့သည်။

More Articles...

<< Start < Prev 1 2 3 4 Next > End >>

Page 2 of 4